Mikið elska ég nú að fótboltasumarið sé byrjað. Fyrsti leikur ÍBV í Pepsi-deildinni var í kvöld á Hásteinsvelli þar sem liðið tók á móti Fram. Þetta er þriðja árið í röð sem ÍBV og Fram mætast í fyrstu umferð Íslandsmótsins en fyrstu tvö skiptin mættust liðin á Laugardalsvelli þar sem Fram hafði betur í báðum leikjum. Það var þó ekki það sama uppi á teningnum í kvöld sem betur fer en mikið rok hefur verið í Eyjum í dag sem setti svolítið strik í gæðareikning fótboltans.

ÍBV spilaði undan vindi í fyrri hálfleik og voru mun meira með boltann án þess þó að skapa sér mikið af hættulegum færum. Framarar spiluðu skynsamlega og vörðust vel auk þess sem tafir af þeirra hálfu voru nokkrar. Mínir menn náðu ekki að gera sér mat úr meðvindinum og í hálfleik var staðan 0 – 0.

Í síðari hálfleik bjóst maður við að þetta snerist við en Framarar náðu aldrei að nýta sér vindinn neitt að ráði auk þess sem ÍBV mættu mun hungraðri í seinni hálfleikinn og ætluðu greinilega ekki að gefa tommu eftir. Það var ekki að sjá að Framarar væru að spila með vindi því sóknartækifærin skiptust að ég held bara nokkuð jafnt á milli liðanna í seinni hálfleiknum (ekki búinn að sjá neina tölfræði samt). Þegar aðeins átti eftir að spila uppbótartíma (sem var að minnsta kosti 3 mínútur) var staðan enn 0 – 0 og allt stefndi í steindautt jafntefli… en þá tók (að mínu mati) maður leiksins, Þórarinn Ingi Valdimarsson sig til og reif sig upp vinstri kantinn átti og átti gott skot á markið sem markvörður Fram nær að verja út í teig, þar sem enginn annar en TG9 (Tryggvi Guðmundsson) nær að fylgja eftir og setur boltann í stöng og inn! Markið er skorað á 93. mínútu og leikurinn flautaður af um leið og miðjan hafði verið tekin. Sætara verður það ekki!

Svo er næsti leikur á móti Fylki hérna heima á laugardaginn kl 14:00 –   ÁFRAM ÍBV!

Ég var ekki langt frá  því að hlaupa út á lóð með Liverpool treyjuna mína og bera að henni eld eftir leikinn í kvöld. West Ham 1 – 0 Liverpool. Ég píndi augun til að horfa á þessa skelfingu alveg til enda, eða þangað til West Ham fengu vítaspyrnuna og ég þoldi ekki meir. En svona fór nú það og spurning hvort við náum 4. sætinu í deildinni… Svo verður líka spennandi að sjá hvernig málin þróast í bækistöðvum Liverpool. Mun Benitez fjúka? Munu eigendurnir yfirgefa félagið? Eða kannski bara eitthvað allt annað… eitthvað þarf allavega að gerast, það er nokkuð ljóst.

En að öðru. Ég er tveimur áföngum í skólanum þessa önnina sem skera sig svolítið út úr þeirri flóru áfanga sem ég hef tekið í gegnum tíðina. Þetta eru áfangar sem heita Rekstrarhagfræði 103, sem kemur að almennum rekstri og umsjón fyrirtækja og stofnana,  og Viðskiptafræði 113, sem er markaðsfræðiáfangi og hefur komið mér mikið á óvart. Ég hef aldrei lært neitt þessu tengdu áður og verð ég að segja að þetta sýnist nokkuð spennandi, allavega svona í byrjun annarinnar. Í Viðskiptafræðinni erum við að byrja á verkefni þar sem okkur var skipt niður í hópa, 2 og 2 saman í hóp. Hver hópur finnur sér viðfangsefni til að markaðssetja, má vera hvað sem er… fyrirtæki, vara eða þjónusta en það er eitt skilyrði, þetta þarf að vera fyrirtæki, vara eða þjónusta í Vestmannaeyjum.

Ég og Randver skelltum okkur saman í hóp og byrjuðum að brainstorma um hvað við ættum hugsanlega að reyna að markaðssetja í Vestmannaeyjum. Upp úr því komu nokkrar hugmyndir sem við eigum svo eftir að fínpússa, eins og t.d. Saltverksmiðja, Rauða lónið, endurmarkaðssetja Höllina sálugu og fleira og fleira. En ég verð að segja alveg eins og er… þetta er örugglega einn skemmtilegasti áfangi sem ég hef farið í… gæti ég hugsanlega verið búinn að finna eitthvað sem ég væri til í að vinna við í framtíðinni? Eða er þetta bara það að ég er að prófa eitthvað nýtt…?

Jæja… það kemur bara í ljós.

…bara unnið undir pressu? Djöfull að hafa ekki séð leikinn samt!

Maður getur víst ekki annað en látið undan þegar Ólöf Ragnarsdóttir biður um blogg frá manni. Vá hvað ég hlýt að vera ómissandi partur í lífi hennar En ég ætla að sjálfsögðu að eyða nokkrum línum hér í að hrauna yfir okkur blessaða landslið í fótbolta. Ég get bara ekki með nokkru móti skilið hvað í !”#$#”/& er í gangi þar á bæ!?! Við ‘vinnum’ Spánverja 1 – 1 hérna á heimavelli (vinnum að sjálfsögðu miðað við höfðatölu) og vinnum svo Norður-Íra 2 – 1 einnig á heimavelli. Eftir þessi snilldar úrslit þýtur liðið upp um heil 37 sæti á FIFA listanum, úr 117 í 80.

Það þarf svo ekki að spurja með framhaldið, tap 2 – 4 fyrir Lettum á heimavelli og skíta svo upp á herðablöð í Lichtenstein 3 – 0. Hvað er málið!?! Af hverju getur þetta lið ekki haldið haus eftir ein eða tvenn góð úrslit? Ég verð að viðurkenna að allavega í leiknum við Lettana (horfði ekki á leikinn á móti Lichtenstein) vantaði klettinn í vörnina, Hermann nokkurn Hreiðarsson. Þeir voru gjörsamlega úti að aka og allir menn Letta fríir í hornspyrnum og aukaspyrnum (já, ég er Vestmannaeyingur

Nú er bara einn leikur eftir í riðlinum og er það leikur gegn Dönum á útivelli… ég vona bara að við töpum ekki meira en 14 – 2.

En að öðru, sá í Fréttum í síðustu viku svar sýslumannsins í Eyjum við viðtali sem tekið var við Andra, sem lenti í mótorhjólaslysi hérna í Eyjum í sumar. Þar fer Karl Gauti hamförum um að hann líði það ekki að logið sé upp á lögregluna í Vestmannaeyjum og talar nánast eins og Andri sé að kenna löggunni um það hvernig fór fyrir honum. Bíddu, má allt í einu ekki gagnrýna störf lögreglunnar? Má ekki sá sem hefur lent í slysi eða átt önnur samskipti við lögregluna tala um sína reynslu sama hvort hún sé góð eða slæm? Það sem hann hefur í höndunum eru vinnuskýrslur frá þeim sem þarna voru á staðnum, ég ætla að leyfa mér að efa að hann hafi verið á staðnum sjálfur. Ég vil benda á að ég er alls ekki að taka afstöðu í þessu máli, heldur að benda á það að gagnrýni Andra á störf lögreglu og lækna á slysstað er ekkert alvarlegri en ásökun sýslumanns um að Andri sé að ljúga.

Það hefur mikið verið rætt í blöðunum að það vanti menn í lögregluna hér í Vestmannaeyjum og ég gat ekki betur séð í sumar að flestir voru þetta afleysingamenn sem hér voru, einhverjir héðan úr Eyjum en einnig einhverjir ofan af landi. Mér finnst ekki skrýtið að Andri setji spurningamerki við störf á slysstað ef læknar í Reykjavík hafi sagt að þeir hafi ekki búist við honum svona ‘illa förnum’, sama hvort þar var um að kenna störfum læknis eða sjúkraflutningamanna (lögreglu). Af hverju ekki að taka gagnrýninni og ýja því frekar að, að það vanti mannskap í þessi störf svo að það komi nú líka fram. Þess í stað kemur höstug grein frá Sýslumanni þar sem hann fullyrðir að ekkert hafi verið gert vitlaust, Andri sé fúll út í afleyðingar slyssins en geti bara sjálfum sér um kennt. Svo kemur í lokin ‘dulin’ batakveðja til Andra.

Það er auðvelt að vera stórt nafn í litlu bæjarfélagi og kaffæra gagnrýnisraddir í bæjarblöðunum, en hvernig væri nú að horfast í augu við raunveruleikann og viðurkenna að hingað vantar lærða lögreglumenn/sjúkraflutningamenn, og þá sérstaklega yfir sumartímann.

Það er ekki bara enski boltinn & meistaradeildin sem er komið á fullt, heldur erum við peyjarnir loksins búnir að redda okkur tíma til að sprikla í fótbolta uppi í Íþróttahúsi, og það tvisvar í viku! Byrjuðum núna á mánudaginn og mættu 10 kvikindi tilbúin til að svitna aðeins. Það er alveg nauðsynlegt að hreyfa sig reglulega og maður finnur það eftir að maður byrjaði í skólanum að 2 tímar í íþróttum er bara ekki nóg, plús það að maður er nú ekki alveg nógu duglegur að fara í ræktina…

Við eigum tíma á mánudögum kl. 21:00 og föstudögum kl. 20:30. Fínir tímar og kostar ekki nema 500 kall á kjaft hver tími, 4000 kall á mánuði sem er náttúrulega ekki rass fyrir fótbolta tvisvar í viku!

Svo fara fram 8 leikir í riðlakeppni Meistaradeildarinnar klukkan 19 í kvöld og ætla ég að gerast svo góður að spá fyrir um úrslit kvöldsins.

• Besiktas – Porto 0 – 2
• Liverpool – Marseille 1 – 0
• Rosenborg – Schalke 1 -2
• Valencia – Chelsea 1 – 0
• Lazio – Real Madrid 1 – 2
• Werder Bremen – Olympiakos 1 – 1
• Benfica – Shakhtar Donetsk 2 – 0
• Celtic – AC Milan 1 – 3

Það hlaut að koma að því að maður myndi prófa “nýja” MySpace-ið, en það er Feisbúkkið sem hefur verið að gera garðinn frægann. Ég man að Þórhallur og Hrund voru að ota þessu að mér fyrir einhverju vegna þess að þeim fannst MySpace of flókið… ég hélt nú ekki þar sem mér fannst í rauninni FaceBook miklu flóknara… Skráði mig nú samt á það fyrir nokkrum vikum eða mánuðum og skoðaði. Mér leist nú ekkert svakalega vel á þetta svona í fyrstu, en er búinn að vera að skoða þetta betur í dag og komist að því að þetta er mun skemmtilegri vettvangur en MySpace og hvet ykkur sem hafið gaman af svona síðum að skrá ykkur þarna

En að öðru, hvað er málið með Benitez? Hann er ekki viss um að hann hafi Torres í byrjunarliði Liverpool a morgun… Hvað þarf drengurinn að gera til að fá að byrja leik? Skora 10 mörk í leik? 27 milljón punda leikmaður, dýrasti leikmaður í sögu Liverpool og hann hefur komið inná sem varamaður í tveimur deildarleikjum sem hafa báðir farið 0 – 0! Skoraði þrennu í síðasta leik gegn Reading í bikarnum… hvernig er ekki hægt að setja hann í byrjunarliðið? Ég verð geðveikur ef við vinnum ekki Wigan um helgina…

Svo er bara komin enn ein helgin. Allt að ske í 1. deildinni í fótboltanum þar sem ÍBV á mjöööög svo veika von um að komast upp í efstu deild, en þar voru leikir að byrja núna klukkan 17:15. ÍBV á heimaleik við Fjölnismenn, en til þess að komast upp um deild verðum við að vinna þann leik ooooog hér kemur kickerinn… við verðum að treysta á að Reynir Sandgerði vinni Þrótt… eins og ég sagði, frekar veik von

Ætla að kalla þetta gott og koma mér í vinnu niðrá Café… sé ykkur vonandi sem flest á Lundaballi á morgun!

PS. Vil nota tækifærið og óska Sigga Ara til hamingju með afmælið í gær!

Hahaha…. ég var búinn að steingleyma þessari snilld

Já og djöfull var leikurinn í dag leiiiiiiiiðinlegur!

Já nú er poolarinn sáttur. Í gær komust mínir menn í úrslit Meistaradeildarinn með góðum sigri á Chelsea á Anfield. Daniel Agger skoraði eina mark leiksins eftir snilldarlega útfærða aukaspyrnu frá Gerrard. Leikurinn var vægast sagt ROSALEGUR þótt mörkin hafi ekki verið fleiri og Liverpool mun sterkari aðilinn. Leikurinn fór í framlengingu þar sem við töpuðum fyrri leiknum 1 – 0 á Stamford Bridge. Ekkert var skorað í framlengingunni svo við tók vítaspyrnukeppni og taugarnar hjá mínum voru ekki að höndla það, en þar var það Reina sem var hetja liðsins þar sem hann tók sig til og varði 2 spyrnur frá Chelsea! LIVERPOOL KOMNIR Í ÚRSLITIN!

Svo var annar leikur AC Milan og Man Utd í kvöld, en þar tóku Milan menn sig til og völtuðu yfir Man Utd. Ég reyndar horfði bara á fyrri hálfleikinn þar sem ég þurfti svo að fara í vinnu, en í þeim hálfleik var aðeins eitt lið á vellinum. Kaká kom Milan mönnum yfir strax á 11. mínútu og Seedorf skoraði annað markið á 30. mínútu. Gilardino gulltryggði svo sigur Milan á 78. mínútu þegar hann sendi boltann framhjá Van der Saar.

Ég verð að viðurkenna að þessi úrslit komu mér svolítið á óvart, en það sem kom mér meira á óvart var hversu slakir Man Utd menn voru. Það var bara ekkert í gangi hjá þeim. Ronaldo sást ekki, hvað þá Giggs og Rooney svona þeirra skástur. Vörnin var hriplek og það var ekki að sjá meistarabraginn yfir þessu liði sem maður hefur séð hingað til.

En svona til að nudda nú ekki salti í sár Man Utd manna lengur ætla ég bara að slútta umfjöllun minni um þennan leik í kvöld og FAGNA ÞVÍ AÐ LIVERPOOL SÉ KOMIÐ Í ÚRSLITIN!

Vil svo einnig minna á blogg sem ég hef mikið vitnað í í sambandi við hverjir myndu lenda saman í úrslitum meistaradeildarinnar… en það er að finna hér. Þetta er náttúrulega bara á kristaltæru!

Langar að enda þetta á copy/paste af spjallborðinu á ManUtd.is, en ég er búinn að liggja grenjandi úr hlátri yfir þessum kommentum þar!

“AUMINGJASKAPUR!!!! Mér leið einsog ég væri að horfa á Milan – 3 flokkur kvennaliðs Aftureldingar…”

“Vona bara að Ferguson taki leikmennina hvern fyrir sig og berji þá, þeir eiga ekkert betra skilið eftir svona frammistöðu.”

“Það er hræðilegt að horfa uppá þetta, Milan er mörgum klössum fyrir ofan okkur.
Liðið fer í mesta lagi á pæjumótið í Eyjum með þessari spilamennsku.”

Bara fyndið að lesa svona frá aðdáendum Man Utd, en þeir viðurkenna þó að þeir hafi verið að spila illa. Annað en vælukjóinn hann Mourinhio sem sagði að hans lið hafi verið betri aðilinn í leiknum í gær og að andrúmsloftið á Anfield hafi ekki verið neitt “sérstakt”. Cry me a river… dickf…