einir punktur komm » bíó

rólegheit…

einir — Mon, 02 Apr 2007 19:31:17 +0000

Þessi helgi var nú bara tekin rólega. Tók að mér að fara upp á Selfoss með krakkana úr Féló á landsfund félagsmiðstöðva á laugardagsmorgun og átti að koma aftur samdægurs, en ákvað að framlengja ferðina til mánudags og kíkja í bæinn. Það sem einkenndi þessa annars ágætu ferð mína til borgar ótta og volæðis var rólegheit og chill í faðmi fjölskyldunnar heima hjá Elenu systir.

Fór svo í gær með Sigga bró á TMNT eða Teenage Mutant Ninja Turtles, en við vorum forfallnir Turtles aðdáendur þegar við vorum yngri.. bara gaman að sjá þessa mynd Skellti mér svo heim til Eyja með fyrri ferð Herjólfs í dag og er núna í vinnu uppí Féló. Páskafríið að kicka inn og fjörið sem því fylgir hérna í Vestmannaeyjum verður örugglega ekki af verri endanum frekar en vanalega… þetta er eins og hálfgerð Þjóðhátíð.

Talandi um Þjóðhátíð… djöfull er orðið stutt í hana maður lifandi! Ég þarf að fara að koma með niðurtalningu í kvikindið hérna á síðuna…

En þangað til næst…

gleðilegt sumar – eða eitthvað…

einir — Sun, 23 Apr 2006 03:41:06 +0000

Já það er komið sumar, allavega samkvæmt dagatalinu. Það hefur þónokkuð á daga mína drifið síðan síðast, enda töluverður tími síðan ég bloggaði og tel ég það nú orðið svart þegar fólk eins og Gulla og Andri tvíburi eru farin að reka á eftir manni í blogginu
En já, ég skellti mér á dEUS tónleika uuuu… já einhverntíman í byrjun apríl. Þeir voru á Nasa en það var alveg hrúga af liði sem kom á þessa tónleika frá Eyjum. Hitti þarna Árna Óla & Arndísi ásamt fleiru fríðu fólki. Ég verð að játa að ég hef ekki farið á tónleika með bandi sem ég veit jafn lítið um og dEUS, enda hlustaði ég bara á gömlu vinsælustu lögin með þeim ‘in the old days’. Hins vegar var hún Olga svo elskuleg að senda mér nokkur lög af nýja disknum þeirra sem voru líka bara svona þrusugóð að ég ákvað að skella mér á tónleikana og sé akkúrat ekki rass eftir því. Þvílíkt þéttir og bara snilldar band á tónleikum! Vissi ekki hvert þakið á húsinu ætlaði þegar þeir tóku Suds&Soda.

Nóg um það… Ég og Bergdís skelltum okkur til Eyja í Páskafríinu og höfðum það bara gott. Alltaf gaman að kíkja við á hótel mömmu við og við Fór á tónleika á Prófastinum þar sem strákarnir í Memphis komu fram ásamt The Foreign Monkeys, Andrúm & einhverju bandi sem ég man ekki hvað heitir… og auðvitað hún Arndís sæta Þrusuflottir tónleikar sem Árni og félagar í Span sáu um. Svo eftir tónleikana tókum ég og Siggi bróðir ‘smá tjútt’ sem endaði með því að við ætluðum sko í heitan pott… sama hvað það kostaði

Og nú er bara komin enn ein helgin og kannski kominn tími á róóóólega helgi… ég held það bara svei mér þá. Pabbi er í bænum og fórum við Bergdís með honum í bíó áðan á myndina V for Vendetta. Svona öðruvísi mynd en mér fannst hún alveg mögnuð, enda alltaf þótt mikið varið í Natalie Portman… Svo er það bara vinna kl 10 í fyrramálið, eða á eftir réttara sagt, svo það er kannski kominn tími til að koma sér í háttinn. Bið að heilsa ykkur fallega fólkinu sem nennir að lesa þetta raus í mér…

Þangað til næst…

rólegheit og leti…

einir — Sat, 15 Oct 2005 05:28:08 +0000

Þessi helgi fer nú á spjöld sögunnar í mínum bókum, þar sem ég er örugglega að setja persónulegt met í fáum bjórum innbyrgt yfir heila helgi. Það hafa svo mikið sem 2 bjórar runnið ljúflega niður þessa helgi og býst ég fastlega við að þeir verði ekki fleiri…
Mamma og pabbi eru búin að vera í bænum núna frá því á fimmtudaginn og eru eitthvað að stússast í eldhúsinnréttingum og tækjum, þar sem þau eru nú að byrja á að gera upp eldhúsið á Brimhólabraut 1. Ég og Bergdís erum búin að fara tvisvar út að borða með þeim, ásamt Elenu og Þóri, og svo tvisvar í bíó með þeim á myndirnar Cinderella Man & Flightplan. Cinderella Man kom mér virkilega á óvart þar sem ég var búinn að heyra sama og ekkert um þessa mynd. Russel Crowe er rosalegur í þessari mynd og eins pirrandi leikkona og mér finnst René Zellweger vera stóð hún sig bara vel í þessari ræmu. Aftur á móti var það Flightplan sem stóðst ekki alveg mínar væntingar. Maður hafði séð hana auglýsta hvað eftir annað bæði í bíóum og í sjónvarpinu og trailerinn var bara nokkuð ‘catchy’ – ég var staðráðinn í að fara á þessa mynd í bíó. Svo einhvernveginn fannst mér, án þess að ætla að skemma þessa mynd fyrir neinum, að hún skilaði sér ekki nógu vel. Er ekki að segja að hún sé léleg, bara hefði getað verið gerð betur. Mitt álit

Svo styttist óðum í Eyjaferðina ógurlegu: Operation Hlynsatjútt er bara handan hornsins, en eins og allir með greindarvísitölu yfir frostmarki vita varð lítill akureyskur háskóla-Hlynur 22 ára þann 3. október síðastliðinn og mun fagna þeim merka áfanga næstu helgi í Eyjum. Ég býst við alveg rosalegri helgi og ætla ég mér að reyna að ná fyrri ferð á föstudeginum, s.s. kyssa nokkra rassa í vinnunni

Ég hef ákveðið að kaupa mér ferðatölvu í London! Þessar blessuðu ferðavélar eru orðnar svo helvíti öflugar. Maður getur spilað alla leiki í þeim og skjáirnir orðnir rosalegir, svo ekki sé nú minnst á hvað þetta er MIKLU fyrirferðaminna en PC tölva. Er búinn að vera að skoða svolítið af tölvum og er ekki alveg búinn að ákveða hvernig vél ég kaupi og mun örugglega bara ákveða það með Þórhalli í London… ég get ekki beðið!

En jæja, ætla að kalla þetta gott og horfa aðeins á telly’ið, fara kannski að sofa fyrr en vanalega á laugardegi og taka eins og einn sunnudag á ævinni snemma

P.S Ég vil óska Óla og Sunnu innilega til hamingju með frumburðinn, yndislega fallega stúlku sem kom í heiminn fimmtudaginn síðastliðinn. Allar mínar hamingjuóskir fá þessir nýkrýndu foreldrar sem ég veit að er hamingjusamast fólk í heimi þessa dagana

skrýtið sms…

einir — Tue, 20 Sep 2005 04:04:02 +0000

Ég fékk svolítið fyndið sms í dag. Eða kannski ekki fyndið, heldur frá hverjum það var. Smsið var þess efnis að Síminn væri að bjóða viðskiptavinum sínum sem eru í áskrift og búa í Eyjum 120 fríar mínútur á dag innan kerfis Símans ef þú hringi í Vestmannaeyjum. Kannski ekki óvenjulegt sms, hefði ég fengið það frá Vit.is eða einhverju svoleiðis. Nei, ég fékk það úr bara einhverju númeri og þegar ég tékkaði á símaskrá.is kom í ljós að sá sem sendi mér þetta heitir Þórir og er verkfræðingur úr Kópavogi… wtf? Hvað er hann að láta mig vita af einhverjum tilboðum sem síminn er með í Eyjum

Fór loksins að sjá Deuce Bigalow – European Gigolo. Fór með Bergdísi og Guðjóni. Fínasta mynd en þar sem mér fannst sú fyrri algjör snilld fór ég líklega með of miklar væntingar á þessa. Jújú, hún er fyndin og allt það… en mér fannst hún einhvernveginn ekki standast það að vera eftirmynd hinnar, sem að mínu mati er muuuun betri.
Heyrðu já, svo erum við Bergdís að koma til Eyja næstu helgi Pabbi hringdi um daginn og bað okkur að koma og hjálpa sér að hreinsa út úr Bónusvideo, sem kallinn er víst að fara að loka. Komum með seinni ferð á föstudaginn og spurning hvort eitthvað sé að ske í Eyjum? Eða hvort mar eigi bara að taka því rólega svona einu sinni
En jæja… ég er farinn að horfa á Newlyweds

dukes of hazzard…

einir — Tue, 30 Aug 2005 07:11:27 +0000

Við skelltum okkur á Dukes of Hazzard áðan í Álfabakka (ég, Bergdís, Ásdís og Kári). Snilldar gamanmynd sem ég mæli hiklaust með. Sean William Scott er náttúrulega bara snillingur Svo auðvitað skemmir ekki að ofurkroppurinn Jessica Simpson er ávallt léttklædd í sínu hlutverki í þessari mynd En já… allavega mæli með þessari mynd.
Var að skoða myndir úr kveðjupartýinu/afmælinu sem Ólöf og Sigrún héldu í Eyjum um helgina… sá margar ansi skemmtilegar myndir og greinilegt að ég missti af miklu þarna En ég ætla mér að bæta það upp núna 9. september þegar við skellum okkur til Eyja í afmælið hjá Ömmu Jönu, en þá verða einmitt Vinir Vors og Blóma að spila í Höllinni, lokahóf hjá KFS og ég veit ekki hvað og hvað… ætla ekki allir að djamma þá?
En já, ætla að kalla þetta gott og koma mér í háttinn…
Góða nótt

life goes on…

einir — Thu, 17 Feb 2005 19:30:00 +0000

Enn ein vikan að líða og bara ekkert nema gott um það að segja. Mamma og pabbi eru í bænum þar sem pabbi var í uppskurði á öxlinni.. þau verða hérna allavega fram á laugardag sem er bara besta mál Ég, Bergdís og mamma fórum í bíó í gær á myndina White Noise sem var nú öðruvísi en ég bjóst við en samt sem áður fínasta mynd. Gerir mikið út á bregðuatriði, sem varð til þess að allar helvítis gelgjurnar sem voru í salnum voru öskrandi hægri vinstri og vorum við svo heppin að vera með eitt gelgjutríó í næstu röð fyrir aftan og djöööööööfull fer svona helvíti í mig… Keaton (aðalleikarinn) mátti ekki drekka vatnsglas og þær voru komnar á það allra hæsta C sem ég hef á ævinni heyrt… var næstum búinn að teygja mig þarna yfir og handrota þær… en já þetta bjargaðist og fínasta mynd

Annars er lítið að frétta… fór í fyrsta skiptið í vinnu á þriðjudaginn síðasta og er að fara aftur í kvöld niður á vöruhótel Eimskips… helvíti fín vinna með skóla og flottur félagsskapur. Er þarna að vinna með Stymma sem er með Thelmu frænku og Elmari. Henti einmitt link inn á bloggið hans Stymma en þar eru þeir félagar Stymmi og Tommi (sem er með Bjarný) að blogga. Fann svo þar annan link á Dramadrottningarnar, en þar eru þær Bjarný, Thelma Rós, Dagný og einhverjar vinkonur að tjá sig… alltaf gaman að finna svona nýja bloggara sem maður þekkir
Ætla ekki að hafa þetta mikið lengra… vinna eftir smá.
Chao bella

helgin…

einir — Mon, 27 Sep 2004 01:25:16 +0000

Já kannski að mar ætti að segja frá helginni fyrst þetta var nú einu sinni fríhelgi hjá manni. Byrjaði nú á að veikjast þarna á fimmtudagsnóttinni, fékk einhvern ælupestarskít, hita og viðbjóð sem hvarf nú samt sem betur fer á stuttum tíma…

Á föstudeginum fór ég í bíó með Gaua, Steinunni & Bergdísi, krökkum sem ég er að vinna með niðrá Nordica. Við fórum á myndina White Chicks með Wayans bræðrum sem ég verð að segja að eru algjörir snillingar. Þetta er nú engin stórmynd en allavega lá ég í kasti mestmegnis af myndinni af vitleysunni í þeim Gef þessari mynd 3 stjörnur fyrir húmor Svo kíkti ég bara á rúntinn með Bergdísi og eftir það var haldið heim… Magni kall hringdi í mig þar sem hann sat og sötraði bjór á Café Katalínu (rétt skrifað? og hljómaði lagið Vertu þú sjálfur í bakgrunn… langaði helvíti mikið að kíkja á hann en þar sem maður er fátækari en hestur gat maður það ekki, svo ég fór bara að sofa.

Svo fóru bæði gærdagurinn og dagurinn í dag bara að hanga heima í tölvunni og gera ekki rass… Jú ég náttlega kom þessari blessuðu síðu upp í dag… til hamingju ég! En svo er það bara vinna á morgun og hinn… og svo vinnuhelgi framundan… Það verður ágætt, svo bara eyjar helgina eftir það… vinna fyrir pabba þar sem hann er nú aðfara að halda árshátíð Ísjakans, sem btw verður stærri með hverju árinu. Nú er bónusvideo komið inní þetta dæmi líka En já, bið að heilsa ykkur öllum út í Eyjum og hlakka til að hitta ykkur eftir… tæpar 2 vikur

reykjavíkur report…

einir — Sun, 14 Apr 2002 13:28:32 +0000

Jæja, þá er þessari mögnuðu Reykjavíkurferð okkar að ljúka hérna og held ég að hafi bara tekist vel til. Þrátt fyrir að hafa ekki komið á bíl þá bjargaðist þetta allt saman einhvernveginn. Eitthvað fyllerí var á liðinu hérna í rvk (þ.e.a.s. þeim sem komu hingað úr skólaferðalaginu, og ber þá hæst að nefna hana Söru Björg sem fór á fyllerí í gærkvöldi og endaði á Selfossi ;o) Við hin fórum á 2 myndir í bíó, fyrst á Slackers sem er svona wannabe Roadtrip/She’s all that mynd sem ég mæli engan veginn með, en svo fórum við á Showtime með Eddie Murphy og Robert de Niro sem er algjör snilld. En einsog ég sagði, þá fer þessu nú öllu að ljúka. Ég sit hérna heima hjá Elenu systir og bíð eftir Gísla því við erum að fara á Champions að horfa á Arsenal – Middlesbro’ í bikarnum. Svo er það bara Herjólfurinn kl. 6 og svo heim að sooooofa. Over and out.