Jæja þá situr maður inn í sjoppu og bloggar. Svona er tæknin nú orðin rosaleg. Ísjakafólkið er farið í skemmtiferð til Reykjavíkur, fóru í morgun með Herjólfi og ég sé um búðina á meðan ásamt Salóme frænku. Helgin leggst nú samt bara ágætlega í mig. Verslunarmannaball á morgun sem ég er nú alveg að spá í að kíkja á þótt ég sé að vinna daginn eftir. Ætla samt að vera bara rólegur í kvöld til að spara smá heilsu fyrir sunnudaginn. Það er EKKERT leiðinlegra en að vinna þunnur í sjoppu. Svo er Svala að koma til Eyja í kvöld svo maður kíkir nú á smá rúnt með kjellunni. Reyndar voru menn eitthvað að tala um að spila í kvöld… ég er alveg opinn fyrir því líka.

Annars er nú bara lítið að frétta. Var í sálfræðiprófi í gær sem var svona frekar þungt… allavega voru flestir mjög ósáttir við það. Ég vona bara að ég hafi náð. Svo er það bara vinnuhelgin framundan… Steeb ætlar að tjútta, Gvuní líka ef það verður ekki vinna (hún er orðin slorpjása), Hlynsi er mættur á svæðið og verður svartur á morgun, Svala & Karlotta munu án efa taka Sykurpabbadjammið á þetta og mun ég heiðra þær með nærveru minni og jafnvel stöku setningum á borð við “Hvað er AÐ þér” og jafnvel “Hvað er AÐ ykkur” ef ég verð í góðu skapi.

Jæja, halda áfram að vinna.
Sjáumst!

…er vinsamlegast beðinn að gefa sig fram við handrotunardeild Ríkislögreglustjóra!

Í kvöld bættist í safnið enn ein ástæðan til að hata Chelsea. Þannig var nú mál með vexti að elskulegur faðir minn bað mig að vinna fyrir sig í Ísjakanum í dag í nokkrar mínútur á meðan hann þurfti að skreppa. Ég gerði það með glöðu geði auðvitað og þar sem lítið var að gera fór ég að fletta þarna Lengjubæklingnum frá 1×2. Og eftir að hafa skoðað hann svolítið og séð að í dag var umferð í Meistaradeildinni ákvað minn að tippa á eins og nokkra leiki, minnugur frækinni sögu á fotbolti.net þar sem einn heppinn djöfull vann rúman 200 þúsund kjell á 3 seðlum. Ég tippaði á 2 seðla og lagði 1000 kall undir á 3 leiki sem færðu mér stuðulinn 15 og svo 2000 kall undir á 6 leiki sem færðu mér stuðulinn 35. Eins og flestir sjá hefðu þessir 2 seðlar fært mér 85.000 kjell beint í vasann…

Án þess að fara neitt nánar út í það hvaða leikir voru á hverjum seðli er nóg að segja frá því að á báðum seðlum er leikurinn Chelsea- Barcelona þar sem ég set að sjálfsögðu 2 fullviss um að Eiður muni slátra þriðja markmanninum hjá Chelsea. En auuuuuuuuðvitað, eins og sannkölluð ‘himnasending’ skorar ógeðið hann Drogba og gerir út um þá vonir mínar að geta bara hætt í skóla og að vinna og lifað af getraunapeningnum… En það var allavega eitt sem ég græddi af þessu, og það var aukakall í leiknum “Lærðu að hata Chelsea”

Hæfæv fyrir því *5*

P.s. Takk allir kææææærlega fyrir komment á myndirnar hérna fyrir neðan! Mikil og góð hjálp í ykkur (nema þið séuð Chelsea aðdáendur)

Jæja, ég er búinn að henda saman nokkrum tvennum eftir ykkar ábendingum og mínum hugmyndum. Það sem þið sjáið eru heldur smækkaðar útgáfur af myndunum en ætti samt að vera nokkuð auðvelt að dæma út frá þessu. Svarti bakgrunnurinn er s.s. blaðsíðurnar í bókinni, en umbrotið á bókinni er 1:1 (ferningslaga) og þar sem flestar myndavélar taka í 2:3 (10x15cm t.d.) þá verða sumar myndirnar með svolítið autt pláss bæði fyrir ofan og neðan. Klippti reyndar þær myndir sem ég gat til svo þær pössuðu betur. En here goes:

1. Smábátahöfn & smáeyjar

2. Smáeyjar 1 & 2

3. Kristján Ingi & Adrian Snær

4. Traktor & pallbíll

5. Fiðrildi & blóm

6. Dalfjall og smáeyjar

7. 13. flöt & smáeyjar

Nú verð ég að hryggja ykkur kæru lesendur þar sem þessi færsla mun ekki innihalda annan hluta ferðasögunnar miku norður yfir heiðar. Nei, nú verð ég að biðja ykkur um allsvakalega aðstoð þar sem ég var búinn að steingleyma að ég hafði skráð mig til þátttöku í Ljósári – árbók áhugaljósmyndara á Íslandi. En þannig standa nú mál að ég á að vera búinn að velja mér 2 myndir til að setja í þessa blessuðu bók en hef ekki enn náð að ákveða mig, þess vegna bið ég ykkur vinsamlegast að hendast inn á flickR síðuna mína og skoða kvikindin sem ég er búinn að setja þangað. Ætla mér að henda fleirum þangað inn í kvöld til að fá meira úrval en ég er svona nokkurnveginn kominn með allavega eina mynd sem ég ætla mér að setja. Ætla ekki að segja hvaða mynd það er heldur vil ég fá sem flestar ábendingar frá ykkur! Það er nokkuð sem þarf að hafa í huga þar sem þetta verða 2 myndir hlið við hlið (semsagt ein opna í bókinni):

• Myndirnar verða að “passa saman” (ekki t.d. mynd af rós og svo mynd af flugvél)
• Myndirnar verða að hafa svipað litaþema
• Svarthvítt og litur passa ekki saman (ekki það að ég sé með svarthvítar myndir =)

Endilega skoðiði myndirnar og komiði með tillögur! Helst 2 eða bara eina ef þið finnið enga aðra.. =)
Með fyrirfram þökk!
Einir hinn örvæntingafulli…